Tænastur

Orka & Inniklima


Vit bjóða okkum til at kanna bygningar við atliti til orkunýtslu. Kanningin avdúkar potentiellir sparimøgulleikar, har endaliga rapportin er eitt katalog sum lýsir sparing, kostnað fyri ábøtur, afturgjaldstíð og CO2 reduktión v.m.

 

Eisini kanna vit hús og virkisbygningar fyri flest allar inniklimatrupulleikar, sum t.d. vætu, blámusopp, hússopp, luftskifti, CO2 og formaldehyd.


Eldri bygningar og hitapumpur 

Tað er ymiskt, hvussu væl eldri bygningar hóska til hitapumpuskipanir. Vit bjóða okkum at kanna, um bygningurin hóskar til lágtemperaturdrift ella um ábøtur skulu gerast á t.d. tættleika, bjálving ella hitaflatur, áðrenn skift verður til hitapumpu ella aðrar loysnir.

 

 

Spillivatn & Spillivatnsætlanir


Vit bjóða okkum at projektera allar rørskipanir innan spillivatn, reinsiskipanir og slamhandfaring, 


Síðstu 30 árini hava vit framt umhvørviskanningar, framt spillivatnsætlanir fyri fleiri kommunur í Føroyum og ynskja vit at ganga á odda og burðardygt tæna kundum okkara og samfelagnum við orku -og umhvørvisloysnum við atliti til, at umhvørvið verður betrað.

Vatnveiting


Martin E. Leo ráðgevandi verkfrøðingar er fremsti veitarin av vatnveiting í Føroyum og hava vit síðan 1989 projektera stórsta partin av allari vatnveiting fyri føroyskar kommunur.


Vit bjóða okkum at loysa allar vatnveitingar og reinsiskipanir innan brúksvatn, resirkulatión og aling.

Hiti, vatn og sanitet


Vit bjóða okkum til at projektera og veita fakeftirlit av hitaverki, so sum hitspumpu, fjarðhita, jarðhita og sjóhita.

Vit hava hollar royndir við at ráðgeva og projektera innan allar ventilatiónskipanir og sanitet.

Tættleikakanningar & Termografering


Vit eru góðkendur veitari innan tættleika og termograferingskanningar av klimaskærmsforeningen og teknologisk institut.

Hetta merkir at velja tit okkum, fáa tit eina kanning sum er óheft fyri allar partar og kemur at geva tykkum eitt rættvíst úrslit.


Byggi & projekteringsleiðsla


Okkara byggiharraráðgeving kann umfata alt frá fullar projektleiðslu til at veita byggiharranum tann neyðuga stuðulin sum tørvur er á útyvir organisatiónina, talan kann um byggiskrá, sáttmálar, tingingar yvirskipað stýring av dygd, tíð og kostnaði gjørnum øll skeiðini av verkætlanini.

Við okkum sum byggiharraráðgeva, umsita vit sáttmálar millum byggiharra og ráðgevar, har vit samskipa projekteringsarbeiðið, fyri at tryggja at verkætlanin kemur at uppfylla tær væntanir sum eru í byggiskránni.